Nərimanov rayonunda yerləşən 258 nömrəli tam orta məktəbdə maarifləndirici tədbir baş tutub

Press-relizlər / 30.03.2017 / 15:46

Martın 30-da Azərbaycan Respublikası Prezidentinin 2017-ci ilin “İslam Həmrəyliyi İli” elan olunması barədə Sərəncamından irəli gələn vəzifələrin icrasını təmin etmək məqsədilə Azərbaycan Respublikasının Təhsil Nazirliyi və Dini Qurumlarla İş üzrə Dövlət Komitəsi tərəfindən birgə imzalanmış “Təhsil müəssisələrində uşaq və gənclərin mənəvi inkişafi, milli-mənəvi və ümumbəşəri dəyərlər ruhunda tərbiyə olunması tədbirlərinin gücləndirilməsi haqqında” Fəaliyyət Planına uyğun olaraq, Nərimanov rayonunda yerləşən 258 nömrəli tam orta məktəbdə maarifləndirici tədbir keçirilib.
"Dünyəvi dövlətdə din və milli birlik" mövzusunda keçirilən tədbirdə Dini Qurumlarla İş üzrə Dövlət Komitəsinin Bakı şəhəri üzrə şöbəsinin əməkdaşları Hatəm Gülməmmədov və Fidan Aslanova, Bakı şəhəri üzrə Təhsil İdarəsinin məktəbdənkənar fəaliyyətin təşkili sektorunun aparıcı məsləhətçisi Rövşən Əliyev, məktəbin direktoru Sədaqət Hüseynova, müəllimlər, valideynlər və şagirdlər iştirak ediblər.
Tədbiri giriş sözü ilə açan direktor S.Hüseynova gənclərin radikal dini cərəyanların təsiri altına düşməməsi və bu istiqamətdə məlumatlandırılmasının təmin edilməsi üçün maarifləndirici filmlərin çəkilməsinin və istiqamətləndirici tədbirlərin daha çox keçirilməsinin önəmini qeyd edib.
Daha sonra Dövlət Komitəsinin sifarişi ilə hazırlanan “Fitnə” sənədli filmi nümayiş edilib.
Filmin nümayişindən sonra çıxış edən DQİDK-nın Bakı şəhəri üzrə şöbəsinin əməkdaşı H.Gülməmmədov dini radikalizmlə mübarizə yollarından, onun səbəblərindən bəhs edib.
DQİDK-nın Bakı şəhəri üzrə şöbəsinin əməkdaşı F.Aslanova dünyada dini dözümsüzlüyün baş alıb getdiyi bir dövrdə Azərbaycanda mövcud olan tolerantlığın bütün dünyaya həqiqi nümunə olduğunu qeyd edərək, hər kəsin dini etiqad azadlığının qorunduğunu bildirib. O, dini radikalizmə qarşı mübarizədə maarifləndirmə tədbirlərinin əhəmiyyətindən danışıb.
Bakı şəhəri üzrə Təhsil İdarəsinin məktəbdənkənar fəaliyyətin təşkili sektorunun əməkdaşı R.Əliyev yeniyetmə və gənclərimizin milli-mənəvi dəyərlərə sadiq olmasında müəllim və valideynlərin üzərinə böyük məsuliyyət və öhdəliyin düşdüyünü qeyd edib.
Tədbirin sonunda şagirdlərlə geniş fikir mübadiləsi aparılıb.
 
 
    


Son baxılan xəbərlər

Prezident İlham Əliyev Avropa İttifaqının xüsusi elçisinin başçılıq etdiyi nümayəndə heyətini qəbul edib

Press-relizlər
19.02.2018 / 11:37
Ətraflı oxu

Xəzər rayonunda “Dini mərasimlər: ənənəvilik və müasirlik” mövzusunda seminar-müşavirə keçirilib

Press-relizlər
17.09.2018 / 10:20
Ətraflı oxu

Şəmkirdə “Din və ideoloji təhlükəsizlik” mövzusunda seminar-müşavirə keçirilib

Press-relizlər
11.09.2019 / 17:06
Ətraflı oxu

DQİDK-nın hüquq-mühafizə orqanları ilə birgə keçirdiyi reydlər davam edir

Press-relizlər
02.12.2016 / 15:00
Ətraflı oxu

Bakıda “Mənəvi dəyərlərin təbliği və dini icmalar” mövzusunda konfrans keçirilib

Press-relizlər
21.08.2018 / 15:06
Ətraflı oxu

Sərdar Məhəmməd Yunis: Pakistan Azərbaycanla dini-mənəvi sahədə əməkdaşlığa hər zaman hazırdır

İSLAM HƏMRƏYLİYİ İLİ
17.10.2017 / 16:09
Ətraflı oxu