Xaçmazda “Vətən sevgisi imandandır” adlı tədbir keçirilib

Press-relizlər / 30.03.2018 / 17:22

Martın 30-da Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsinin və Xaçmaz Rayon İcra Hakimiyyətinin (RİH) birgə təşkilatçılığı ilə Xaçmaz rayonu Qoçaqlı kəndində “Vətən sevgisi imandandır” adlı tədbir keçirilib.
Tədbirdə DQİDK-nın Quba bölgəsi üzrə şöbəsinin əməkdaşı Fərid Məmmədov, Xaçmaz RİH başçısının Pirquluoba kənd inzibati ərazi dairəsi üzrə nümayəndəsi Qürbət Qüdrətov, kənd bələdiyyəsinin sədri Fətulla Nurməhəmmədov və kənd ictimaiyyəti iştirak edib.
Əvvəlcə 31 mart soyqırımı qurbanlarının xatirəsi bir dəqiqəlik sükutla yad olunub.
DQİDK-nın Quba bölgəsi üzrə şöbəsinin əməkdaşı Fərid Məmmədov keçirilən tədbirin əhəmiyyətindən və Dövlət Komitəsinin bu sahədəki fəaliyyətindən geniş bəhs edib. Qeyd edib ki, əsrlər boyu Azərbaycan xalqı öz müstəqilliyini və ərazi bütövlüyünü qorumaq məqsədilə qəsbkarlarla mübarizə aparıb, minlərlə soydaşımız bu yolda canından keçib.
Xaçmaz rayonu Pirquluoba kənd məscidinin dini ayin icraçısı Elman Mirzəbəkov İslam dininin müqəddəs kitabı olan Qurani-Kərimdən nümunələr göstərməklə vətən sevgisinin dinimizdə rolu, şəhidlik zirvəsinin Allah qatındakı dəyərindən danışıb.
Tədbirdə DQİDK-nın sifarişi ilə hazırlanan “Şəhadət” filmi iştirakçılara nümayiş olunub.
Yekunda iştirakçıları maraqlandıran suallar cavablandırılıb.    


Son baxılan xəbərlər

Multikulturalizm Azərbaycan Respublikasının daxili və xarici siyasətinin mühüm istiqamətidir

Press-relizlər
16.02.2018 / 14:03
Ətraflı oxu

Bakıda “Dinlərarası və sivilizasiyalararası dialoqdan əməkdaşlığa doğru” mövzusunda beynəlxalq konfrans keçirilib

Press-relizlər
05.03.2019 / 17:45
Ətraflı oxu

Prezident İlham Əliyev Amerika Birləşmiş Ştatlarının ölkəmizdəki səfirliyində olub

Xəbərlər
06.12.2018 / 08:57
Ətraflı oxu

Göygöldə “Dini maarifləndirmə işinin təşkili: gerçəkliklər və perspektivlər” mövzusunda ikigünlük seminar-treninq öz işinə başlayıb

Press-relizlər
26.04.2018 / 17:56
Ətraflı oxu

Zərdabda “Dini radikalizm və onun təzahür formaları” mövzusunda tədbir keçirilib

Press-relizlər
22.02.2018 / 10:44
Ətraflı oxu

Bərdədə “İslam həmrəyliyi və onun əhəmiyyəti” mövzusunda maarifləndirici tədbir təşkil olunub

Press-relizlər
13.12.2017 / 14:41
Ətraflı oxu