Şəkidə “Narkomaniya, erkən nikah, dini radikalizm və onun fəsadları” mövzusunda maarifləndirmə baş tutub

Press-relizlər / 02.05.2018 / 12:34

Mayın 2-də Şəki  Şəhər Rayon Polis Şöbəsi (ŞRPŞ),  Dini Qurumlarla İş üzrə Dövlət Komitəsinin (DQİDK)  Şəki bölgəsi üzrə şöbəsi və Şəki şəhər Təhsil şöbəsinin birgə təşkilatçılığı ilə “Narkomaniya, erkən nikah, dini radikalizm  və onun fəsadları” mövzusunda tədbir keçirilib.
Şəki rayon Biləcik kəndində baş tutan tədbirdə Şəki ŞRPŞ-nin rəis müavini Vüqar Xəlilov, şöbənin əməkdaşları Anar Xaliqov, Tural Niftaliyev, DQİDK-nın Şəki bölgəsi üzrə şöbəsinin müdiri vəzifəsini icra edən Taleh Abdullayev, Şəki şəhər Təhsil şöbəsinin əməkdaşı Anar Məmmədov, müəllimlər və şagirdlər iştirak edib.
Tədbiri giriş sözü ilə açan Şəki şəhər Təhsil şöbəsinin əməkdaşı Anar Məmmədov mövzunun əhəmiyyətindən və aktuallığından danışıb.
ŞƏKİ ŞRPŞ-nin rəis müavini Vüqar Xəlilov narkomaniyanın yayılmasına, dini radikalizm və erkən nikah hallarına qarşı hamılıqla mübarizə aparılmasının vacibliyini önə çəkib, bu işdə müəllimlərin, gənclərin, habelə valideynlərin üzərinə çox böyük vəzifə və məsuliyyətin düşdüyünü xüsusi vurğulayıb.
DQİDK-nın Şəki bölgəsi üzrə şöbəsinin müdiri vəzifəsini icra edən Taleh Abdullayev çıxışında dini radikalizm, qeyri-ənənəvi dini cərəyanların fəsadları haqqında geniş məlumat verib. T. Abdullayev radikallığın, zərərli vərdişlərin İslam dinində qəbul edilmədiyini vurğulayaraq radikal meyillərin mənfi təsirindən qorunma üsullarını tədbir iştirakçılarının diqqətinə çatdırıb.
Şəki Şəhər Rayon Polis Şöbəsinin yetkinlik yaşına çatmayanlarla iş üzrə inspektoru Anar Xaliqov şagirdlərə erkən nikahın mənfi cəhətləri haqqında geniş məruzə edib. O bildirib ki, davamlı olaraq keçirilən belə maarifləndirici tədbirlər gənclər arasında sağlam həyat tərzinin təbliği işini daha da yaxşılaşdırmaq, gənclərdə narkomaniyanın fəsadları haqqında düzgün təsəvvürlər formalaşdırmaq, radikal dini təriqətlərə meyillərin artmasının qarşısını almaq, habelə erkən nikahın yaratdığı problemlər barədə gəncləri daha geniş məlumatlandırmaq məqsədi daşıyır.
Sonda iştirakçıları maraqlandıran suallar cavablandırılıb. 
 
 


Son baxılan xəbərlər

Multikulturalizm Azərbaycan xalqının mədəniyyətinin cövhəridir

Multikulturalizm
23.05.2016 / 11:12
Ətraflı oxu

Şərq və Qərb mədəniyyəti anlayışına konseptual baxış

Multikulturalizm
15.01.2020 / 10:04
Ətraflı oxu

Lənkəranda Respublika Gününə həsr olunmuş videokonfrans təşkil olunub

Press-relizlər
31.05.2020 / 11:31
Ətraflı oxu

“Erməni təcavüzü və məhv olmuş tarixi dini abidələrimiz” mövzusunda konfrans keçirilib

Press-relizlər
28.03.2019 / 16:45
Ətraflı oxu

Bölgələrdə maarifləndirmə tədbirləri davam etdirilir

Press-relizlər
23.08.2017 / 15:28
Ətraflı oxu

Bakıda “Prezident İlham Əliyevin siyasəti: mədəniyyətlərarası və dinlərarası harmoniya” mövzusunda konfrans keçirilib

Press-relizlər
18.12.2019 / 17:44
Ətraflı oxu