“Dövlət-din münasibətləri: tarix, hüquq və ənənə” mövzusunda tədbir keçirilib

Press-relizlər / 11.03.2020 / 17:14

Martın 11-də Dini Qurumlarla İş üzrə Dövlət Komitəsi (DQİDK) və Sabunçu Rayon İcra Hakimiyyətinin birgə təşkilatçılığı ilə Sabunçu rayonu Kürdəxanı qəsəbəsində “Dövlət-din münasibətləri: tarix, hüquq və ənənə” mövzusunda tədbir keçirilib. Tədbirdə təşkilatçı qurumun  nümayəndələri, din xadimləri və qəsəbə sakinləri iştirak ediblər.

Tədbiri giriş sözü ilə açan Sabunçu Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdiri Ədalət Teymurov dövlətin dinə münasibəti, din sahəsində dövlət siyasətinin həyata keçirilməsi, dini etiqad azadlığı prinsiplərinin qorunması, dövlət-din münasibətlərinin qanunvericilik əsasında tənzimlənməsi istiqamətində aparılan işlərə xüsusi diqqət çəkib. 

DQİDK-nın Bakı şəhəri üzrə şöbəsinin müdiri Anar Kazımov çıxışında bildirib ki, müstəqilliyimizin bərpasından sonra dövlətin din sahəsindəki siyasətində yeni bir mərhələyə qədəm qoyuldu. Vətəndaşlarımızın vicdan və dini etiqad azadlıqları təmin olundu, dini ənənələrimizin bərpası və möhkəmləndirilməsi dövlətin din siyasətinin qarşısında duran əsas vəzifələrdən biri oldu. Şöbə müdiri qeyd edib ki, Ümummilli Lider Heydər Əliyevin Azərbaycançılıq konsepsiyasına uyğun olaraq ölkədə dövlət-din münasibətlərinin, millətlərarası və dinlərarası dialoqun genişlənməsi üçün əlverişli şərait yaradılıb, bu sahədə beynəlxalq hüquq normalarına uyğun qanunvericilik bazası formalaşdırılıb.

DQİDK-nın Bakı şəhəri üzrə şöbəsinin əməkdaşı Aslan Sultanov vurğulayıb ki, ölkəmizin sahib olduğu dövlət-din münasibətləri, multikultural dəyərlərin beynəlxalq ictimaiyyətə çatdırılması, eyni zamanda tarix, mədəniyyət və dini abidələrin qorunub saxlanılmasına dəstəyin göstərilməsi dövlətin din siyasətinin prioritet istiqamətlərindən biridir.

Sonda tədbir iştirakçılarının sualları cavablandırılıb.

 


Son baxılan xəbərlər

Prezident İlham Əliyevin və Ermənistanın baş naziri Nikol Paşinyanın Davosda qeyri-rəsmi görüşü olub

Press-relizlər
23.01.2019 / 10:55
Ətraflı oxu

Tovuzda keçirilən ikigünlük seminar-müşavirə öz işini davam etdirib

Press-relizlər
05.10.2018 / 16:01
Ətraflı oxu

Prezident İlham Əliyev: "Azərbaycan dini abidələrin – məscid, kilsə və sinaqoqların bərpasına çox böyük ...

Xəbərlər
25.09.2020 / 10:07
Ətraflı oxu

Prezident İlham Əliyev: “İşğal olunmuş ərazilərimizdə bütün məscidlər Ermənistan tərəfindən dağıdılıb”

Xəbərlər
28.10.2019 / 09:24
Ətraflı oxu

Qaxda “Müasir dünyada birgəyaşayış ənənələrinin yeri və rolu” mövzusunda tədbir olub

Press-relizlər
22.12.2016 / 10:20
Ətraflı oxu

Bakıda “Qadın hüquqlarının qorunmasında dini icmaların yeri və rolu” mövzusunda konfrans keçirilib

Xəbərlər
19.09.2019 / 17:18
Ətraflı oxu